Skessuhorn 2011

Skrifað af: Guðmundur Freyr Jónsson Þriðjudagur, 25. október 2011 22:10

Nýliðaferð var farin á Skessuhorn 2. apríl 2011. 16 Ísalparar skelltu sér í hópferð upp NA-hrygg Skessuhornsins í blíðskaparveðri laugardaginn 2. apríl 2011.

Snjór var talsverður á svæðinu og voru brekkurnar þræddar og farið milli kletta þar sem minnstar líkur væru að fá yfir sig snjófarg af verri gerðinni þegar nálgast var hrygginn. Á miðri leið skíðuðu svo nokkrir franskir ofurhugar niður austurhlíðina framhjá okkur.

Ferðin gekk í alla staði vel og útsýni var frábært og veður gott eins og sést á myndunum.